مراسيلك ترد الروح وتجبر خاطر المجروح عساني ما اتحرم منك ولا مني تجيك جروح
مساك زي مساء العيد ورسمة جميلة لي لوحة... نمة زول صبح مسرور وصوت عصفور وكت يصحى.. قراية شيخ مع الحيران تلاوة طفلة بطرحة..مساك زين ومرحبتين حقيقة قلوبنا منشرحة.. ومشتاقين كتير والله
حالنا يا مقلوبه عماره جنب راكوبة .. ناس تعض تفاح وناس تمص لالوبة !!
بتمنى ليك كل السمح لا تضوق عذاب لا تنجرح.. واتمنى ليك سعد العمر، لا حسرة لا احزان تمر.. ويا ربي تنعم بالصبر ويديك كمان طولة العمر..
شجرة لابسة جلابية خفيفة.. سحلية واقفة جنب القيفة تحكي في قصة لطيفة.. وضب ضابح رغيفة يا المطر الجاي من أعلى السحاب أحلى السكر ولا أسود الغراب!!
شاب اسمر من السودان انا.. في اقصى الشمال في قرية عادية، اتربيت انا بحبه دقيق، وجغمة مويه طينيه وملاح سبروك وبليله لوبيه
قالوا : لك الجمال ولنا الدهشة .. لك الحب ولنا الرعشة ، واقول : لك الاقامة ولنا الكشه ، لك الامجاد ولنا الركشة ، لك الكبده ولنا الكرشة !! لك التفاح ولنا التبشة !! لك المكتب ولنا الورشة لك الهدوء ولنا الدوشة !!
